• Ymgynghori
• Creadigol a Cynhyrchu
• Gwasanaethau Marchnata / Gwerthu Hysbysebu

Ymgynghori

Mae greenfield yn gweithio gyda chleientiaid i nodi a manteisio ar gyfleoedd sy'n manteisio'n llawn ar werth eu hasedau, gan sicrhau eu bod yn dwyn y gwerth uchaf ag y bo modd i'w busnesau.

Trwy feithrin dealltwriaeth drylwyr o anghenion busnes ein cleientiaid, y ffactorau sy'n eu cyfyngu a'u dyheadau o ran twf, gall greenfield ddarparu gwasanaethau ymgynghori unigryw ac wedi'u teilwra i Blatfformau, Darlledwyr a Chynhyrchwyr Annibynnol yn y sector Darlledu.

Mae gan greenfield rwydwaith helaeth o gysylltiadau y gall fanteisio arnynt i ychwanegu at a gwella'r gwasanaeth ymgynghori y gall greenfield ei ddarparu i'w gleientiaid. Mae manteision gweithio mewn grwp busnes lle y mae modd rhannu deallusrwydd am y farchnad, cysylltiadau busnes ac arbenigedd ym maes rheoli, yn werthfawr dros ben i gleientiaid sy'n dymuno ehangu eu gorwelion busnes eu hunain y tu hwnt i'r cyffredin a'r arferol.

Platfformau a Rhwydweithiau

Rydym yn nodi ac yn gwerthuso cyfleoedd i weithredwyr platfformau a darlledwyr sy'n dymuno lansio gwasanaethau newydd. Gallai hyn olygu cynnal asesiad o'r tirlun digidol a gwerthusiad o'r potensial i bob platfform sicrhau twf gydag amser; y cyfleoedd i weithio mewn partneriaeth ac asesiad o'r costau a'r ffrydiau incwm tebygol sy'n gysylltiedig â'r platfform hwnnw. Mae'n profiad yn cynnwys:

• Lansio nifer o sianelau ar blatfform DTT
• Gwaredu gweithredwr Trosglwyddo DTT
• Llunio model i ragweld twf y platfform DTT
• Asesu'r gallu i sicrhau refeniw hysbysebu i ddarlledwyr ar draws platfform digidol
• Lansio nifer o sianelau ar blatfform Sky Digital

Strategaeth Fasnachol

Trwy asesu gyda rheolwyr cwmni, rydym yn nodi cyfleoedd i sicrhau twf a meysydd posibl y gellir ehangu, ailgyfeirio neu ad-drefnu ynddynt. Gallai hyn gynnwys asesu dangosyddion perfformiad allweddol y busnes, ei gyfeiriad o ran twf a chyfleoedd i sicrhau gwerth o asedau a hawliau y mae'r cwmni yn berchen arnynt yn barod. Mae'n profiad yn cynnwys:

• Rhoi cyngor i gwmnïau ynghylch eu gallu i fanteisio'n llawn ar eu helw o'u hasedau
• Gwerthuso cyfleoedd buddsoddi strategol yn y DU i gwmnïau o wledydd tramor
• Adolygu a chynghori ynghylch penderfyniadau buddsoddi corfforaethol

Ariannu Sianelau a Modelau Busnes

Rydym yn adolygu ac yn asesu rhesymoldeb a chywirdeb cynlluniau busnes a modelau ariannol ar ran platfformau, darlledwyr a darlledwyr annibynnol sy'n ceisio sicrhau cyllid, buddsoddiad neu ehangu i fentrau newydd. Mae'n profiad yn cynnwys:

• Adolygu cynlluniau busnes corfforaethol er mwyn sicrhau cyllid
• Adolygu cynlluniau busnes sianelau newydd sy'n dymuno lansio ar DTT neu Loeren Digidol
• Adolygu modelau cyllid ar gyfer comisiynu rhaglenni a chydgynhyrchiadau rhaglen rhyngwladol

Ariannu Rhaglenni, Cydgynhyrchiadau a Manteisio ar Hawliau

Rydym yn adolygu, yn asesu ac yn gweithio ar ran darlledwyr annibynnol sy'n ceisio manteisio'n llawn ar werth eu heiddo deallusol trwy sicrhau cyllid i'w prosiectau yn y DU ac mewn gwledydd tramor. Rydym hefyd yn mentora cynhyrchwyr annibynnol ac yn ôl yr angen, eu cyflwyno i'r marchnadoedd rhyngwladol. Mae'n profiad yn cynnwys

• Cynghori cynhyrchwyr annibynnol o ran gwerth eu hawliau
• Cynnal adolygiad o gatalog rhaglenni er mwyn asesu gwerth
• Rheoli nifer o brosiectau yn y farchnad ryngwladol ar ran cwmnïau annibynnol fel asiant

Dylunio gan Elfen
Cedwir pob hawl greenfield 2007